Колледж жаңалықтары
03.03.16 жылы 8-наурыз Халықаралық әйелдер күні мерекесі қарсаныңда “Сарқылмайтын жылылық, әйел аты-ұлылық” тақырыбында Орал гуманитарлық-техникалық колледжінде мерекелік кеш ұйымдастырылды. Мерекелік кештің мақсаты - түн ұйқысын төрт бөліп, баласын азамат етіп тәрбиелейтін барлық аналарымызды, әжелерімізді болашақ ана болар қыздарды сыйлауға, құрметтеуге тәрбиелеу. Мерекелік шараға колледждің I - IV курс студенттері қатысты.Студенттер ән айтып, би билеп, күй тартып қонақтарға өз ықыластарын білдірді.
2016 жылы 26 ақпан күні Еуразия индустриалдық –экономикалық колледжінде Техникалық және кәсіптік білім беру ұйымдарының жалпы білім беретін және арнайы пәндер оқытушыларының арасындағы «Әдістемелік идеялар фестивалі» облыстық байқауы оздырылды. Байқауды ұйымдастырған БҚО білім басқармасының мектепке дейінгі, жалпы орта, ТжКББ ұйымдарының облыстық оқу-әдістемелік кабинеті. Байқаудың мақсаты: Техникалық және кәсіптік білім беруде бәсекеге қабілетті маман даярлауда озат тәжірибелері бар шығармашыл педагогтарды, олардың әдістемелік жұмысты жетілдіруде инновациялық, дәстүрлі емес ұсыныстарын анықтау және тәжірибесін тарату.
2015 жыл 10 желтоқсан күні Қазақ хандығының 550 жылдығы және Алаш күніне арналған «Алаш тағдыры – ел тағдыры» атты жоғары және арнайы орта оқу орындары арасында студенттер байқауы оздырылды. Байқауды «Ақжол» демократиялық партиясының Батыс Қазақстан облыстық филиалы және Ж.Досмұхамедов атындағы «Қайраткер» қоғамдық қорының қолдауымен ұйымдастырылды.
Педагогика, психология кафедрасы айлығы шеңберінде оқытушы Ж.С.Бексариева 4 желтоқсан күні «Педагог тәрбиеші портреті» атты «жас тәрбиеші» үйірмесі отырысын өткізді. Шараға колледжі психологы С.К.Бекетаева, жастар ісі маманы Т.С.Сарсенгалиевалар қатысты.
2015ж қараша айының 28 жұлдызында 1 желтоқсан - Елбасы күніне арналған М.Горкий атындағы кітапханада «Елбасымыз– Нұрсұлтан ата» тақырыбында мерекелік шара өткізілді.Шараға Орал гуманитарлық-техникалық колледжінің І курс студенттері және өзің-өзі басқару кеңесінің мүшелері белсене қатысты. Іс-шарада Елбасының өмірі мен шығармалары әңгімеленіп, Елбасының қанатты сөздері оқылды.
28 қараша күні «НұрОтан» ХДП отырысында колледждің оқу озаттары мен белсенді студенттері Жас Отан партиясының мүшелігіне қабылданды. Мүшелікке Бағытжан Ұ, Халықбергенова Л, Қадырболатов А, Асылбек А, Кенжегелиева А, Нуптығалиева А өтіп, қоғамдық жұмыстарға белсене қатысатындарын айтты.
2015 ж 24 қараша күні Жастар ресурстық орталығынан жас мамандар келіп І курс арасында «Жасанды түсіктен алдын алу және қыз бала денсаулығы» тақырыбында қыз балаларға үлкен тәрбиелік мәні бар кездесу өткізді.
Қараша айының 4 жұлдызында М. Горкий кітапханасында Елбасының 2016 жылғы Қазақстан халқына Жолдауы талқыланды. Жолдауды талдауға Орал гуманитарлық-техникалық колледжінің І-ІІкурс студенттері қатысты. Студенттер Елбасының қөптеген еңбектерімен танысты.Өз ойларын, пікірлерін білдірді.
Орал гуманитарлық-техникалық колледжінің өзін-өзі басқару кеңесі ұйымдастыруымен 2015 ж 26 қазан күні Гагарин атындағы балалар кинотеатрында «Кеш келген махаббат» фильмі көрсетілді. Бұл фильмге колледждің 1 курс студенттері қатысты.Фильмінің жалпы мазмұны нашақорлықпен күрес. Бұл фильм жастарды жаман әдеттен сақтануға, болашаққа үмітпен қарауға тәрбиелейді. Барған студенттер фильмнен ерекше әсер алып, жақсы көніл-күймен оралды.
30 қараша күні «Тұңғыш президент күніне» орай №46 аудиторияда бітіруші топтар арасында «Елбасы – ел мәртебесі» атты интелектуалдық ойыны өтті. Шараны дайындап, өткізген «педагогика, психология» кафедрасының оқытушылары А.Б.Сарсенгалиева, Ж.С.Бексариева. Шараға 3а КДО, 3а РДО, 3в КДО, 3г КДО, 4б, кб КДО топтары белсене қатысты.