Колледжімізде 7-18 маусым аралығына жоспарланған қорытынды аттестаттау емтихандары барлық санитарлық талаптар сақталу арқылы өтуде. Қорытынды аттестаттау емтихандары тиісті білім беру деңгейінің мемлекеттік жалпыға міндетті стандартында көзделген оқу пәндерінің көлемін олардың меңгеру дәрежесін айқындау мақсатында жүргізілетін рәсім. Оған барлығы 177 студент қатысуда. Қорытынды аттестаттау комиссиясының құрамы жұмыс берушілер өкілдерінен 65% және техникалық және кәсіптік, орта білімнен кейінгі білім беру ұйымдарының өкілдерінен 35% арақатынасында сақтай отырып, жоғарғы оқу орындарының профессор, ғылым кандидаттарынан, қаламыздың жалпы орта білім беретін мектеп мұғалімдерінен, колледж оқытушыларынан жасақталды. Емтихандар қашықтықтан білім беру технологияларын қолдана отырып, ZOOM қосымшасының көмегімен жүргізілуде.