25.04.19 күні Орал гуманитарлық-техникалық колледжі ұжымы, ұлттық спорт түрі бойынша Алматыда ересектер арасында өткен ел чемпионатында аударыспақтан жеңімпаз атанған 0103000 «Дене тәрбиесі және спорт» мамандығында білім алатын 4б КШФ топ студенті Иманғазыұлы Нармағанбетті құшақ жая, құрметпен қарсы алды. Нармағанбет осымен төрт мәрте ел чемпионы атанып отыр. Бұған дейін жасөспірімдер, жастар арасында бірінші орын алса, енді, міне, ересектер сапында да чемпиондық атақты жеңді.