24 сәуір күні колледжде «Цифрлық ортадағы балалар қауіпсіздігі және ата-ананың рөлі» тақырыбында маңызды ата-аналар жиналысы өтті. Қазіргі қоғамдағы өзекті мәселелердің бірі – балалардың интернет пен цифрлық кеңістіктегі қауіпсіздігін қамтамасыз ету болғандықтан, бұл кездесу ата-аналар үшін де, білім беру ұйымы үшін де үлкен маңызға ие болды. Жиналысқа Орал қаласы прокуратурасы атынан бөлім прокуроры Адилов Мұхаммед Ғилымұлы, облыстық психологиялық қолдау орталығының маманы Гулжайна Адилхановна, сондай-ақ Абай полиция бөлімінің инспекторы Ниметуллин Дамир Ақылбекұлы арнайы шақырылды. Жиналысты колледж директоры Ляззат Жетебаевна Утарбаева ашып, ата-аналарды колледжде жүргізіліп жатқан оқу-тәрбие жұмыстарының негізгі бағыттарымен таныстырды. Ол өз сөзінде тәрбиелік жұмыстардың «Адал азамат» біртұтас бағдарламасы мен «Заң мен Тәртіп» тұжырымдамасы аясында жүйелі түрде жүзеге асырылып жатқанын атап өтті. Кездесу барысында шақырылған спикерлер өз салалары бойынша қазіргі жасөспірімдермен тиімді қарым-қатынас орнату, интернеттегі қауіп-қатерлердің алдын алу, кибербуллинг, интернет-алаяқтық, психологиялық қауіпсіздік мәселелері жөнінде құнды кеңестер берілді.