Ағымдағы жылдың 5-9 желтоқсаны күндері аралығында Орал гуманитарлық-техникалық колледжінде оқу-әдістемелік жұмысы жоспарына сәйкес «САБАҚ FEST» атты ашық сабақтар фестивалі өтті. Шара мақсаты: оқытушылар арасында тәжірибе алмасу, озық тәжірибе базасын жинақтау, тарату.

Фестивальдің бірінші күні 05 желтоқсанында «Қазақ халқының материалдық мәдениеті және қолданбалы қолөнері» тақырыбындағы 1а КШО тобында тарих пәні оқытушысы Утегенова Н.А. сабағымен бастады. Сабақ барысында қазақ халқының мәдениеті мен қолөнері туралы тың ақпараттар, көріністер, слайдшоу орын алды. Студенттер «Ойлап, тап!» ойыны, сұрақ-жауап арқылы білімдерін шыңдады.