2019 жылдың 17-күні Орал гуманитарлық-техникалық колледжінің акт.залында «Музыкалық білім беру» мамандығының топ жетекшісі А.Р.Идрисова және топ студенттері мұғалімдер арасында «Дәлме-дәл» (точь в точь) атты музыкалық бағдарламасын ұйымдастырды. Әр қатысушы ұстаз танымал әншілерге пародия жасап, жоғары деңгейде атқарып шықты. «Педагогика және психология» кафедрасының меңгерушісі А.Б.Сарсенгалиева Ресейлік Алла Пугачеваны айнытпай салып, жүлделі I орын иесі атанды. Шара соңында колледж құрылтайшысы Ш.Х.Құрманалина және колледж атқарушы директоры Л.Ж.Утарбаева жүлделі орындарды ұсынып,сөз сөйледі.