College news
Қараша айының 1-і күні 1а,бКДО тобында “Жақсы бала - Ата-ана қуанышы” атты ата-аналар жиналысы оздырылды. Жиналыс барысында топ жетекшісі А.Ғ.Төлеутаева ата-аналармен танысып, кері байланыс қалыптастырды. Әрі қарай топ студенттері мен ата-аналарға арналған “Қызымның ой-өрісімен таныспын” атты тренинг-ойын ұйымдастырылды. Колледжіміздің Директордың ОІЖ орынбасары А.М.Сагидуллина ата-аналарға оқу процесі туралы ақпарат берсе, пән оқытушылары студенттердің сабаққа қатысуы жайлы мәлімет берді.
Музыкалық білім беру мамандығының студенттері 3в,4а КШМ тобында “Менің елім-Қазақстан!” Тақырыбында тәрбие сағаты өтті. Тәрбие сағаты топ арасында сайыс түрінде ұйымдастырылып, “Жасқазақ” “Жас - ұрпақ” “Бейбітшілік” тотарына бөлініп түрлі жарыс талаптарын орындады.Өз ауылы туралы клип,слайд құрастырып мақтанышпен таныстырды. Сонымен қатар қазақтың салт - дәстүрі туралы мәліметтер оқылып, сұрақтарға жауап берді. Сайыстың қорытындысында төрешілер әділ бағасын беріп, сайысты ұйымдастырушыларға алғысын айтты.
20 қазан күні оқытушы А.Ғ. Төлеутаева жетекшілік ететін “Мектепке дейінгі тәрбие және оқыту” мамандығының 1а,б КДО тобында “Туған жерім- тұғырым” атты ашық тәрбие сағаты оздырылды.
25–қазан Республика күніне орай Орал гуманитарлық-техникалық колледжінің ұйымдастыруымен «Жаһандағы заманауи Қазақстандық мәдениет» тақырыбында техникалық және кәсіптік білім беру ұйымдары басшылары арасында облыстық ашық пікірсайыс турнирі өтті. Ашық пікірсайыс турнирін колледж құрылтайшысы Педагогика ғылымдарының докторы, профессор Құрманалина Шалқыма Хайроллақызы Ұлттық мереке Республика күнімен құттықтау сөзімен ашып, қатысушыларға сәттілік тіледі.