29 тамыз күні 2020 жылы әдіскерлер Бекзат Бактигалиевна Конарова 4бКШО, 3вКШО топтарына, Анжела Төлегенқызы Мажитова 4бКДО тобына «Баланың мектептегі алғашқы күндері» практикасы бойынша студенттерге кеңес берді. Күнделік толтыру үлгісімен , оқушыларды зерттеу әдістемесі мен таныстырды. Әдіскерлер студенттерге балалардың дамуы жөнінде, диагностика бойынша кеңес берді, практикаға керек кұжаттарды дайындатты, практика жоспарымен таныстырды.

Студенттер 01.09.-04.09.2020 апта күндері аралығында машықтан өтуге қала мектептеріне және өз аудан мектептеріне бөлінді. 4бКШО, 3вКШО топтарының 4студентті № 46 ЖОББ мектебіне кезекші 1 сыныптарына бөлінді. 4бКДО тобының 2 студентті № 10 ЖОББ мектебіне кезекші мектепалды даярлық сыныптарына машықтан өтуге бөлінді.

Студенттер 1қыркүйек күні бірінші қоңырау «Білім күніне» арналған өз сыныптарындағы тәрбие сағатына қатысты. Тәрбие сағаттары : «Менің Отаным–Қазақстан», «Білімді ұрпақ жарқын болашақ», «Оқусыз-білім жоқ, білімсіз күнің жоқ», «Конституция – біздің болашағымыз!»тақырыптары бойынша өтті. Студенттер сынып жетекшілеріне әр түрлі көмек көрсетті: оқушылардың жеке кұжаттарын толтыру, оларға сабақ кезінде тапсырмаларды орындауға көмек көрсету, сергіту сәттерін өткізу.