Колледж жаңалықтары
23 қыркүйек күні КазИИТУ базасында ел президентінің «Болашаққа бағдар. Рухани Жаңғыру» мақаласы аясында «Қоғамдық сананы жаңғырту» тақырыбымен пікірсайыс оздырылып, оған Орал гуманитарлық-техникалық колледжінің студенттері белсенді қатысты. Пікір сайысты «Шабыт» қоғамдық ұйымы ұйымдастырды. Колледж студенттерінің барлығы да алғыс хатпен марапатталды.
22 қыркүйек - Қазақстан Республикасының халықтарының тілдер мерекесі күні № 4 аудиторияда «Туған жерің түп қазығың, айбының» атты әдеби танымдық сайыс 1бКШК, 1бКШО, 1бКДО, 1бКШФ, 1бКШМ топ студенттерінің арасында қазақ тілі мен әдебиеті пәнінен білімдік деңгейлерін байқау, саралау, студенттерді еңбексүйгіштік, адалдық борыш, ар-ұят секілді адами қасиеттерге тәрбиелеу,ана тілі арқылы студенттердің рухани дүниесін, шығармашылық қабілетін арттыру мақсатында оздырды.
Жылдағы үрдіске сай колледжде жаңа оқу жылы басында оздырылатын тіл айлығы 2017 жылдың 5-қыркүйегінде «Тілге құрмет – елге құрмет!» атты тақырыппен ашылып, өз жалғасын табуда. Айлықты ұйымдастырушы қазақ, орыс тілі мен әдебиеті кафедрасы.
Шілде айында Орал гуманитарлық – техникалық колледжінің студенттері Экспо көрмесіне барып қайтты. Көрмеге жастар ісі жөніндегі менеджері Д.Е.Мазгутованың жетекшілігімен барлығы 11 студент барды.
9 қыркүйек 2017 жылы сағат 10.00-да Орал гуманитарлық-техникалық колледжінде «Денсаулық фестивалі» акциясы аясында «Біздің денсаулығымыз-өз қолымызда!» ұранымен флешмоб оздырылды.
Орал гуманитарлық-техникалық колледжінде Білім күніне арналған салтанатты жиын өтті. «Еліміздің болашағы-білімді жастарда!»,- деп Елбасы атап өткендей, бүгінгі алғашқы білім сабағы «Мемлекет басшысы Н.Ә.Назарбаевтың «БОЛАШАҚҚА КӨЗҚАРАС: РУХАНИ ЖАҢҒЫРУ» атты мақаласын талқылауға арналды.
20 маусым 2017 жылы Орал гуманитарлық-техникалық колледжі түлектерінің бітіру кеші өтті. Он мамандық бойынша 138 түлек жас маман атанып, техникалық және кәсіптік білім туралы дипломға ие болды. Кешті колледж құрылтайшысы, п.ғ.д. Ш.Х.Құрманалина ашып, 17 түлекке үздік дипломдарды табыс етті.
31 мамыр - саяси қуғын-сүргін құрбандарын еске алу күніне қалалық Ю.Гагарин атындағы балалар кинотеатрымен бірлесіп студенттерді тарихтан тағлым алуға, өткенге тағзым етуге тәрбиелеп, бойларында ұлтжандылық қасиетті дамыту мақсатында «Ақиқатқа айналған ата-баба арманы» атты тарихи-тағылымдық кеш оздырылды.
24 мамыр күні акт залында “Жыл оқытушысы - 2017” байқауы өтті. Бұл байқауда Ж.Досмұхамедов атындағы педагогикалық колледжінің сегіз және Орал гуманитарлық-техникалық колледжінің үш оқытушысы сыңға түсті. Байқау 2 кезең бойынша өткізілді.
ҚР Білім және ғылым министрлігі республикалық қосымша білім беру оқу-әдістемелік орталығы мектепке дейінгі, жалпы орта, қосымша, техникалық және кәсіптік білім беру ұйымдарының білім алушылардың арасындағы өткізілгенРеспубликалық Интернет байқауының «ҮЗДІК ӘЛЕУМЕТТІК ЖОБАЛАР» «Менің отбасым менің тірегім» атты номинация бойынша1а КШР тобының студенті, оқу озаты Максимова Мадинет (жетекші С.К. Бисенова- тарих пәнінің оқытушысы) ІІ дәрежелі Дипломының жүлдегері болып марапатталды.